ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)އަށް ތިންވަނަ ކުއާޓަރުގައި 3.8 ބިލިއަން ރުފިޔާގެ އާމްދަނީއެއް ލިބިއްޖެ އެވެ.
އެސްޓީއޯއިން މިއަދު އާންމުކުރި ތިންވަނަ ކުއާޓަރުގެ ތަފާސްހިސާބުތަކުން ބަލާއިރު، އެ ކުއާޓަރުގައި އާމްދަނީގެ ގޮތުގައި އެ ކުންފުންޏަށް ވަނީ 3.8 ބިލިއަން ރުފިޔާ ލިބިފަ އެވެ. އެއީ، ދެވަނަ ކުއާޓަރާ އަޅާބަލައިއިރު 8% ގެ އިތުރުވުމެކެވެ. އެސްޓީއޯއިން މައުލޫމާތުދިން ގޮތުގައި، އާމްދަނީ އިތުރުވުމުގެ މައިގަނޑު ސަބަބަކީ، ތެލުގެ ވިޔަފާރި ރަނގަޅުވެ، ވިކުނު ތެލުގެ އަދަދު އިތުރުވުމެވެ.
މީގެއިތުރުން، އެސްޓީއޯގެ އެހެން ވިޔަފާރިތަކުން ލިބުނު އާމްދަނީ ވެސް 8% އިތުރުވެ، ފައިދާގެ ގޮތުގައި އެސްޓީއޯއަށް ވަނީ 604 މިލިއަން ރުފިޔާ ލިބިފަ އެވެ. މީ މިއީ އޭގެ ކުރީ ކުއާޓަރާއި އަޅާބަލާ އިރު 5% ގެ ކުރިއެރުމެކެވެ. އެސްޓީއޯއިން ބުނީ، މި ކުއާޓަރުގައި ވިއްކުމާއި މާކެޓް ކުރުމުގެ ހަރަދުން ލީސް އެޖަސްޓްކުރުމަށްފަހު ހިންގުމާއި ފައިނޭންސް ކުރުމުގެ ހަރަދު ވަނީ ރީކްލެސިފައި ކޮށްފަކަމަ ށެވެ.
މި ބަދަލާއެކު، ޖުމްލަ ހިންގުމުގެ ހަރަދު ވަނީ 367 މިލިއަންއިން 358 މިލިއަން ރުފިޔާއަށް ދަށްކޮށްފަ އެވެ. އަދި، ހިންގުމުގެ ފައިދާ 23% އިތުރުވެ، ހިންގުމުގެ ފައިދާގެ ގޮތުގައި 290 މިލިއަން ރުފިޔާ ރެކޯޑްކޮށްފައިވާ ކަމަށް އެސްޓީއޯއިން ބުންޏެވެ.
އަދި ޖުމްލަ ހިންގުމުގެ ހރަދު 367 މިލިއަން ރުފިޔާއިން 358 މިލިއަން ރުފިޔާއަށް ދަށްކޮށްފައިވާއިރު، ހިންގުމުގެ ފައިދާ ވަނީ 23% އިތުރުވެފަ އެވެ.
ހިންގުމުގެ ފައިދާގެ ގޮތުގައި އެސްޓީއޯއިން ރިކޯޑުކޮށްފަ ވަނީ 290 މިލިއަން ރުފިޔާ އެވެ. އަދި، ސާފު ފައިދާގެ ގޮތުގައި 186 މިލިއަން ރުފިޔާ ލިބިފައިވާއިރު، އެއީ ދެވަނަ ކުއާޓަރާ އަޅާބަލާއިރު، 14% އިތުރުވުމެކެވެ.
