ލ. މާވަށުގެ ގޮންޑުދޮށް ހިމާޔަތް ކުރުމުގެ އަމަލީ މަސަތްކަތް ފަށައިފި އެވެ.

އެމްޓީސީސީއާ ހަވާލުކޮށްފައިވާ މި މަސައްކަތް ފަށާފައިވަނީ، ރައީސުލްޖުމްހޫރިއްޔާ ޑރ މުހައްމަދު މުއިއްޒު މިހާރު ލ އަތޮޅަށް ކުރައްމުން ގެންދަވާ ދަތުރުފުޅުގެ ތެރެއިން އެ އަތޮޅު މާވަށަށް ވަޑައިގެން ބޭއްވި ރަސްމިއްޔާތެއްގަ އެވެ. އެ އެ މަޝްރޫޢުގެ އަމަލީ މަސައްކަތް ފައްޓަވައި ދެއްވީ ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބާއި، އެމްޓީސީސީގެ ސީއީއޯ އަހްމަދު ސައުދީ އެވެ.

މީގެއިތުރުން ރައީސް ގެ މި ދަތުރުފުޅުގައި، މާވަށުގެ މަގު ހެދުމުގެ އަމަލީ މަސައްކަތްވެސް ވަނީ ފަށާފަ އެވެ. އެގޮތުން މި މަޝްރޫއުގެ ދަށުން، އެ ރަށު މައި މަގުތަކުގައި ތާރުއަޅައި ޒަމާނީ ފެންވަރަށް ތަރައްގީކުރުމަށް ވަނީ ހަމަޖެހިފަ އެވެ. އެގޮތުން 1.8 ކިލޯ މީޓަރުގެ މަގުގައި ތާރުއަޅާނެއެވެ. އަދި މަގުތަކުގައި ފެންހިންދާ ނިޒާމު ގާއިމުކޮށް މަގުބައްތި ޖެހުންވެސް ހިމެނެ އެވެ.

މަގުހެދުމުގެ މަޝްރޫއުގެ އިތުރުން، މާވަށުގަ އިމާރާތްކުރާ ފުލުހުންގެ މަރުކަޒުގެ އަމަލީ މަސައްކަތްވެސް ވަނީ ފަށާފަ އެވެ. އަދި އެރަށުގައި ވޮލީ ކޯޓެއް އެޅުމުގެ މަސައްކަތާއި، ފިޓްނެސް އެންޑް ރެކްރިއޭޝަން ސެންޓަރުގެ ބިންގާވެސް އަޅާފައިވެ އެވެ.

މިއާއެކު، ރައީސް ވަނީ އެ ރަށު އިމާރާތްކުރާ ބީއެމްއެލް ބްރާންޗް އިމާރާތުގެ ބިންގާ އަޅާ، އެރަށު ބިން ހިއްކާ ސަރަހަށްދުވެސް ބައްލަވާލައްވާފަ އެވެ.