މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީލް)ގެ މަސްލަހަތުވެރިންނަށް ހަނިމާދޫ އިންޓަނޭޝަނަލް އެއާޕޯޓުގެ އާ ޓާމިނަލް ދައްކާލައިފި އެވެ.
އެމްއޭސީއެލްގެ އޮޕަރޭޝަނަލް ރެޑިނެސް އެންޑް އެއާޕޯޓް ޓްރާންސްފާ (އޯރެޓް) ޓީމުން އެ އެއާޕޯޓުގައި މަސައްކަތް ކުރާ އެކި އިދާރާތަކުގެ މީހުންނަށް އާ ޓާމިނަލް ދައްކާލާފައިވަނީ، އެތަން ރަސްމީކޮށް ހުޅުވުމުގެ ކުރިން އޮޕަރޭޝަނަށް އަހުލުވެރިކުރުވުމުގެ ގޮތުން ނެވެ. އެގޮތުން ޓާމިނަލްގެ ވަސީލަތްތަކާއި އެންމެ ފަހުގެ އަފްޑޭޓްތަަކާއި ގުޅިގެން އެ ޓީމުން ވަނީ މައުލޫމާތު ދީފަ އެވެ.
" މީގެ ސަބަބުން ފަސިންޖަރުންގެ ދަތުރުފަތުރު އޮމާންކަމާއެކު ކުރިއަށް ގެންދެވޭނެއެވެ." އެމްއޭސީއެލް އިން ބުނެފައިވެ އެވެ.
ހަނިމާދޫ އެއާޕޯޓުގެ އާ ޓާމިނަލް މިހާރު ބޭނުންކުރަމުންދާއިރު އެމްއޭސީއެލުން ވަނީ އަންނަ މަހުގެ 9 ގައި އެތަން ރަސްމީކޮށް ހުޅުވުމަށް ނިންމާފަ އެވެ. އެއީ 10،380 އަކަމީޓަރުގެ ބޮޑު ޓާމިނަލެކެވެ.
