ށ. ފީވަކުގައި ތިން ބުރީގެ ސްކޫލް އިމާރާތެއް އެޅުމުގެ އަމަލީ މަސައްކަތް މިއަދު ފަށައިފި އެވެ.

މި މަޝްރޫއުގެ އަމަލީ މަސައްކަތް ފައްޓަވައިދެއްވީ ލޯކަލް ގަވާމެންޓް މިނިސްޓަރު އާދަމް ޝަރީފް އުމަރު އަދި އެ މަސައްކަތް ކުރާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ގެ މެނޭޖިން ޑިރެކްޓަރު އަހުމަދު ސައުދީ އެވެ.

މި މަޝްރޫއުގެ ދަށުން، 6997 އަކަފޫޓުގެ ސަރަހައްދެއްގައ،ި 19 ކްލާސް ރޫމް ހިމެނޭ 3 ފަންގިފިލާގެ އިމާރާތެއް އިމާރާތް ކުރާނެ އެވެ. އަދި 4736 އަކަފޫޓުގެ ސަރަޙައްދެއްގައ،ި 2 ފަންގިފިލާގެ އޮފީސް އިމާރާތެއް ވެސް އަޅާނެ އެވެ. މީގެ އިތުރުން، 8719 އަކަފޫޓުގެ ސަރަޙައްދެއްގައި 2 ފަންގިފިލާގެ މަލްޓި ޕާޕަސް ހޯލަކާއ،ި 97 އަކަފޫޓުގެ ސަރަޙައްދެއްގައި 1 ފަންގިފިލާގެ ސެކިއުރިޓީ ރޫމެއް އިމާރާތް ކުރެވޭނެ އެވެ.

މި މަޝްރޫއަކީ 58.89 މިލިއަން ރުފިޔާއަށް 540 ދުވަސްތެރޭ ނިންމަން ހަވާލުކޮށްފައިވާ މަޝްރޫއެކެވެ.