ފަލަސްތީނަށް ދެމުންދާ ލާއިންސާނީ ހަމަލާތައް ހުއްޓާލަން އެމެރިކާގެ ރައީސް ޑޮނަލްޑް ޓްރަމްޕްގެ ހުށަހެޅުއްވުމަށް ޓެރަރިސްޓު ޖަމާއަތެއް ކަމަށްވާ އިޒްރޭލާއި ހަމާސްއާ އެއްބަސްވެއްޖެ އެވެ.
ބޭރުގެ މީޑިއާތަކުން ރިޕޯޓުކޮށްފައިވާ ގޮތުގަ އިޒްރޭލާއި ހަމާސްއާ ދެމެދު ގާޒާގައި ދެ އަހަރު ދުވަހު ހިނގި ހަނގުރާމަ ހުއްޓާލުމަށް ހުށަހެޅި އެއްބަސްވުމުގެ ފުރަތަމަ ފިޔަވަހީގެ ކަންކަން ތަންފީޒު ކުރަން އެއްބަސްވުމަކަށް އާދެވިފައިވާ ކަމަށް ޓްރަމްޕު ވަނީ ވިދާޅުވެފަ އެވެ. ޓްރަމްޕް ހުށަހެޅި މި އެއްބަސްވުމުގެ ދަށުން ގާޒާއިން އިސްރާއީލުގެ ސިފައިން ފައިބާ، ރަހީނުން ދޫކުރުމަށް އެއްބަސްވެފައިވާ ކަމަށް ޓްރަމްޕް ވިދާޅުވި އެވެ. އަދި މި އެއްބަސްވުމުގައި ސޮއިކުރުމަށް މި ހަފްތާ ބަންދުގައި މިސްރަށް ދަތުރުކުރައްވާނެ ކަމަށްވެސް ޓްރަމްޕް ވަނީ ވިދާޅުވެފަ އެވެ.
ޓްރަމްޕްގެ ޕްލޭނުގެ ދަށުން، ގާޒާގައި ހައްޔަރުކޮށްފައިވާ އިސްރާއީލުގެ ހުރިހާ އަސީރުން، ދޫކޮށްލުމަށް ހުށަހަޅާފައިވެއެވެ. އޭގެ ތެރޭގައި މިހާރު ދިރި ތިބި މީހުންނާއި، އަދި މަރުވެފައިވާ މީހުން ވެސް ހިމެނެ އެވެ. ހަމައެއާއެކު ގާޒާގެ ވެރިކަން ހިންގުން މިނިވަން އޮތޯރިޓީއަކާ ހަވާލުކުރުމަށް ވެސް އެ ޕްލޭންގައި ހިމެނެ އެވެ. އެގޮތުން، އިސްރާއީލުގެ ހުރިހާ ރަހީނުން ދޫކޮށްލުމަށާއި، ގާޒާގެ ސަރުކާރުގެ އޮޕަރޭޝަންތައް ހިންގުން ފަލަސްތީނުގެ ކޮމިޓީއަކާ ހަވާލުކުރުމުގެ އުސޫލަށް ވަނީ އެއްބަސްވެފަ އެވެ.
މި ހަނގުރާމައިގައި މިހާތަނަށް ފަލަސްތީނުގެ ގާތްގަޑަކަށް 67،000 މީހުން ވަނީ ޝަހީދުކޮށްލާފައެވެ. އެތައް ބައެއްގެ ގޮދޮރު ގެއްލި މުޅި ސަރަހައްދުގައި ވަނީ ބަނޑުހައިހޫނުކަން އާންމުވެފައެވެ.
