ރާއްޖޭގެ ހުރިހާ އަތޮޅަކަށް އައިޑީކާޑު ޕްރިންޓުކޮށް ދޫކުރުމުގެ ހިދުމަތާއި ޕާސްޕޯޓުގެ ހިދުމަތް ފުޅާކޮށްފި އެވެ.
ރާއްޖޭގެ ހުރިހާ އަތޮޅަކަށް މި ހިދުމަތް ފުޅާވެގެންދިޔައީ، އދ. މަހިބަދޫގައި އެ ޚިދުމަތްތައް ރޭ ފެށިގެންދިއުމާ އެކު އެވެ. އެ ޚިދުމަތް ފަށާފައިވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އދ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން މަހިބަދޫއަށް ވަޑައިގެން، ރައްޔިތުންނާ ބައްދަލުކުރައްވަން ބޭއްވި ޖަލްސާގަ އެވެ.
މި ޚިދުމަތް ރަސްމީކޮށް އެ ރަށުގަ ފައްޓަވައިދެއްވީ ހޯމްލޭންޑް ސެކިއުރިޓީ މިނިސްޓަރު އަލީ އިހުސާނެވެ. އެ ދެ ހިދުމަތް ހުރިހާ އަތޮޅަކަށް ފުޅާކުރެވުމުގެ ކާމިޔާބީ ފާހަގަކުރުމުގެ ގޮތުން އެ ޖަލްސާގައި، ރައީސަށް ހަނދާނީ ފިލައެއް ވެސް މިނިސްޓަރު ވަނީ އަރުވާފަ އެވެ.
ރާއްޖޭގެ ހުރިހާ އަތޮޅެއްގައި އައިޑީކާޑާއި ޕާސްޕޯޓުގެ ޚިދުމަތް ގާއިމުކުރުމަކީ ރައީސްގެ ވައުދުފުޅެކެވެ.
