އދ. ދިއްދޫ ސިއްހީ މަރުކަޒުގެ އާ އިމާރާތުގެ މަޝްރޫއު އާއި ފުޓްސަލް ދަނޑުގެ މަޝްރޫއުގެ އަމަލީ މަސައްކަތް ފަށައިފި އެވެ.
އދ. އަތޮޅުގެ މީހުން ދިރިއުޅޭ ރަށްތަކަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކުރައްވާ ދަތުރުފުޅުގެ ތެރެއިން އެ އަތޮޅު ދިއްދޫއަށް މިއަދު ވަޑައިގެންނެވުމުން އެ ރަށުގައި ހިންގުމަށް ހަމަޖެހިފައިވާ ތަރައްގީ މަޝްރޫއުތަކުގެ އަމަލީ މަސައްކަތް ވަނީ ފަށާފަ އެވެ.
ރަށުގަ ބޭއްވި ޙާއްސަ ރަސްމިއްޔާތެއްގައި ދިއްދޫގެ ސިއްހީ މަރުކަޒަށް އިތުރުކުރާ އިމާރާތުގެ އަމަލީ މަސައްކަތް ފައްޓަވައިދެއްވީ ފިނޭންސް މިނިސްޓަރު މޫސާ ޒަމީރެވެ. އަރިހުގައި އެމްޓީސީސީގެ މެނޭޖިން ޑިރެކްޓަރު އަހުމަދު ސައުދީ އާއ،ި ދިއްދޫ ކައުންސިލް މެންބަރު ބައިވެރިވެވަޑައިގަތެވެ.
މި މަޝްރޫއުގެ ދަށުން 4600 އަކަފޫޓުގެ ސަރަހައްދެއްގައި އިމާރާތްކުރުމާއ،ި ވަށާފާރު ރޭނުމާއ،ި ޕޯޓިކޯއެއް ހެދުމުގެ މަސައްކަތް ކުރާނެއެވެ. މިއީ 12.03 މިލިއަން ރުފިޔާއަށް 270 ދުވަސްތެރޭ ނިންމަން އެމްޓީސީސީއާ ހަވާލުކޮށްފައިވާ މަޝްރޫއެކެވެ.
ފުޓްސަލް ދަނޑުގެ އަމަލީ މަސައްކަތް ފައްޓަވައިދެއްވީ ސްޕޯޓްސް މިނިސްޓަރު އަބްދުﷲ ރާފިއުއެވެ. މި މަޝްރޫއުގެ ދަށުން، ބިންގަނޑުގެ މަސައްކަތްތަކާއ،ި ކޮންކްރީޓް މަސައްކަތްތަކާއ،ި ވަށާފާރު ރޭނުމާއ،ި ކަރަންޓު މަސައްކަތްތައް ކުރާނެއެވެ. މިއީ 1.74 މިލިއަން ރުފިޔާއަށް 120 ދުވަސްތެރޭ ނިންމަން އެމްޓީސީސީއާ ހަވާލުކޮށްފައިވާ މަޝްރުއެކެވެ.
