އދ. ދިގުރަށު ގޮނޑުދޮށް ހިމާޔަތް ކުރުމުގެ އަމަލީ މަސައްކަތް މިއަދު ފަށައިފި އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ޝަރަފުވެރިކޮށްދެއްވި އެ ރަސްމިއްޔާތުގައ،ި މަޝްރޫއުގެ އަމަލީ މަސައްކަތް ފައްޓަވައިދެއްވީ މިނިސްޓަރު އޮފް ކޮންސްޓްރަކްޝަނ،ް ހައުސިން އެންޑް އިންފްރާސްޓަރަކްޗާ، ޑރ. އަބްދުﷲ މުއްތަލިބެވެ.
މި މަޝްރޫއުގެ ދަށުން 420 މީޓަރުގެ ޖިއޯބޭގް ރިވެޓްމެންޓް ޖެހުމާއ،ި 127 މީޓަރުގެ ބޮޑުހިލައިގެ ރިވެޓްމެންޓް ޖެހުމާއ،ި 15 މީޓަރުގެ ގްރޮއިން ޖެހުމުގެ މަސައްކަތް ކުރާނެއެވެ. މިއީ 12.86 މިލިއަން ރުފިޔާއަށް 150 ދުވަސްތެރޭ ނިންމަން އެމްޓީސީސީއާ ހަވާލުކޮށްފައިވާ މަޝްރޫއެކެވެ.
724 މީހުންގެ އާބާދީއެއް އޮންނަ ދިގުރަށަކީ ފަތުރުވެރިކަމަށް މަޝްހޫރު ރަށެކެވެ. މިއަދު އަމަލީ މަސައްކަތް ފެށިގެން ދިޔަ ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތް ނިމުމާއެކު ރަށް ގިރުމުގެ މައްސަލައަށް ބޮޑު ހައްލެއް ލިބިގެންދާނެއެވެ.
މި މަޝްރޫއުގެ އިތުރުން ދިގުރަށުގަ އަލަށް އިމާރާތްކުރާ ފުލުހުންގެ މަރުކަޒުގެ އަމަލީ މަސައްކަތް އަދި ދިގުރަށު ސިއްހީ މަރުކަޒުގެ އާ އިމާރަތްވެސް ވަނީ ހުޅުވާފަ އެވެ.
އެގޮތުން، ފުލުހުންގެ މަރުކަޒުގެ ބިންގާ އަޅުއްވައިދެއްވީ، ހޯމް މިނިސްޓަރު އަލީ އިހްސާން އާއި ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކުރީ އަދި ރޯޑް ޑިވެލޮޕްމެންޓް ކޯޕަރޭޝަންގެ މެނޭޖިން ޑިރެކްޓަރުގެ އިބްރާހީމް ނަޒީމްގެ އިތުރުން އެ ދާއިރާގެ ރައްޔިތުންގެ މަޖިލީހުގެ މެމްބަރު އަބްދުﷲ ރަޝީދު އާއި ދިގުރަށު ކައުންސިލްގެ ރައީސް އިބްރާހީމް އުސްމާނެވެ.
މިއީ ރާއްޖޭގެ މީހުން ދިރިއުޅޭ ހުރިހާ ރަށެއްގައި ފުލުހުންގެ ޚިދުމަތް ފުޅާކުރެއްވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ގެންގުޅުއްވާ ސިޔާސަތުގެ ދަށުން ފެށި މަޝްރޫއެކެވެ.
ދިގުރަށު ސިއްހީ މަރުކަޒު ހުޅުވައިދެއްވީ، މިނިސްޓަރު އޮފް ފިނޭންސް އެންޑް ޕްލޭނިން މޫސާ ޒަމީރު، އަދި އެ ދާއިރާގެ ރައްޔިތުންގެ މަޖިލީހުގެ މެމްބަރު އަބްދުﷲ ރަޝީދު އާއި ދިގުރަށު ކައުންސިލްގެ ރައީސެވެ.
މި އިމާރާތުގައި މުހިންމު ގިނަ ހިދުމަތްތަކެއް ވަނީ ގާއިމުކޮށްފަ އެވެ. އެގޮތުން އާއްމު ސިއްހަތާ ގުޅޭ ހިދުމަތްތައް ދޭ ޔުނިޓާއި ދުންފަތުގެ އިސްތިއުމާލުކުރުން ހުއްޓުވުމަށް އެހީތެރިވެދޭ ކްލިނިކް އަދި ގައިންގަޔަށް ނާރާ ބަލިތަކުގެ ކްލިނިކް ހިމެނެ އެވެ. މީގެއިތުރުން މާބަނޑު މީހުންނަށް ބޭނުންވާ ސިއްހީ ފަރުވާދޭ ކްލިނިކާއި ކުޑަކުދިންގެ ސިއްހަތުގެ ކްލިނިކް ވަނީ ގާއިމުކޮށްފަ އެވެ.
ސިއްހީ މަރުކަޒުގެ އިދާރީ މުހިންމު ހިދުމަތްތައްވެސް އާ އިމާރާތަށް ވަނީ ބަދަލުކޮށްފައެވެ.އަދި އެ އިމާރާތް ހުޅުވާލުމަށް ފަހު ރައީސް ވަނީ އެ މަރުކަޒު ބައްލަވާ ލައްވާފައެވެ.މި އިމާރާތާއެކު ދިގުރަށުގައި ސިއްހީ ހިދުމަތްތައް ފޯރުކޮށްދިނުމުގައި ބޭނުންވާ ޖާގައިގެ މައްސަލަ ހައްލުވެ، ހިދުމަތްތައް ދިނުމަށް ބޮޑު ލުޔެއް ލިބޭނެއެވެ.
