މުދައްރިސުން ނެތް މުޖްތަމައެއް ތަހުޒީބެއް ނުވާނެ: ފަސްޓު ލޭޑީ

332127_034c5590-4_

މުދައްރިސުން ނެތް މުޖްތަމައެއް ތަހުޒީބެއް ނުވާނެ: ފަސްޓު ލޭޑީ

SHARE

މުދައްރިސުން ނެތް މުޖްތަމައެއްގެ ކުރިމަގެއް، އަދި އުންމީދެއް ވެސް ނޯންނާނެ ކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ވިދާޅުވެއްޖެ އެވެ.

އެކަމަނާ މިހެން ވިދާޅުވީ، މިއަދު ފާހަގަކުރަމުންދާ ބައިނަލްއަގްވާމީ ޓީޗަރުންގެ ދުވަހާ ގުޅިގެން އެކްސްގައި ކުރެއްވި ޕޯސްޓެއްގައެވެ.

ފަސްޓްލޭޑީގެ ޕޯސްޓުގައި، އެކަމަނާ ވަނީ ކޮންމެ މުދައްރިސަކީ ދަރިވަރުންނަށްޓަކައި މަންމައެއް، ބަައްޕައެއް، ބެލެނިވެރިއެއްކަން ފާހަގަކުރައްވާފަ އެވެ. އަދި އެއް ޖީލުން އަނެއް ޖީލަށް އިލްމު ފޯރުކޮށްދެނީ އަދި ފަންނުތައް ވާރުތަކޮށްދެނީ މުދައްރިސުންގެ ސަބަބުން ކަމަށް ވެސް އެމަނިކުފާނު ވިދާޅުވި އެވެ.

އެކަމަނާގެ ޕޯސްޓު ނިންމަވާލެއްވީ، ހެޔޮ ލަފާ، ހީވާގި މުދައްރިސުންގެ އެހީތެރިކަމާއި ހިދުމަތް އަބަދު ވެސް ރާއްޖެއަށް ލިބެމުން ދާނެ ކަމުގެ އާއްމީދުކުރައްވާ ކަމަށް ވިދާޅުވަމުން ނެވެ.

ބައިނަލްއަގުވާމީ މުދައްރިސުންގެ ދުވަހުގެ މިއަހަރުގެ ޝިއާރަކީ “ރީކާސްޓިން ޓީޗިން އޭޒް އަ ކޮލަބޮރޭޓިވް ޕްރޮފެޝަން” އެވެ. މި ޝިއާރުން ދޭހަކޮށްދެނީ އުނގަންނައިދިނުމަކީ ގުޅިގެން ކުރެވޭ މަސައްކަތަކަށް ހެދުމުގެ މުހިންމު ކަމެވެ.