ސަރުކާރު ވައްޓާލަން ކަމަށް ބުނެ ފެށި މުޒާހަރާ ނިންމާލައި އެމްޑީޕީން ގެއަށް ގޮސްފި އެވެ.
އެތައް ދުވަހަކު ތައްޔާރުވެ ދެ ދުވަސްކުރިން އަތޮޅުތެރެއިން ވެސް މީހުން ގެނެސްގެން ބޭއްވި މި ބޮޑު އެއްވުން ފެށީ 8:30 ގައި އާޓިފިޝަލް ބީޗުގައި ބޭއްވި ޖަލްސާގަ އެވެ. ޖަލްސާއަށް ފަހު 9 ޖެހި ފަހުން މަޖީދީ މަގުން ހިނގައިގަތެވެ. އެކަމަކު މުޒާހަރާގެ ބައިވެރިންނަށް ހެންވޭރު ޖެލީ ޕިއްޒާއަށް ވުރެ ދުރަށް ދެވިފަ އެއް ނުވެ އެވެ.
މުޒާހަރަ ފެށި ބައިގަޑި އިރެއްހާ ތެރޭގައި މުޒާހަރާގައި ބައިވެރިވި އާންމުން ވަނީ އެތަނުން ދާން ފަށަފަ އެވެ. އަދި މުޒާހަރާ އަށް ގެންގޮސްފައިވަނީ އޮޅުވާލައިގެން ކަމަށް ވެސް ބައެއް އާންމުން ބުނެފައިވެ އެވެ.
ޖުމްހޫރީ މައިދާނަށް އެއްވެ ވެރިކަން ވައްޓާލާނެ ކަމަށް ބުނެ ފެށި މުޒާހަރާގައި އާޓިިފިޝަލް ބީޗަށް ވުރެ ދުރަށް ނުދެވި 3 ގަޑި އިރުން އެމްޑީޕީން ވަނީ މުޒާހަރާ ނިންމާލާފަ އެވެ. ނިންމާލަމުން ބުނީ މިއީ ވާމް އަޕެއް ކަމަށެވެ.
