އެޗްޑީސީއިން ހުޅުމާލޭގައި އިތުރު ސްޕީޑް ބަމްޕް ހަރުކުރުމުގެ މަސަތްކަތް ފަށައިފިއެވެ.
މީ ހުޅުމާލޭގައި އެކްސިޑެންޓްތައް މަދުކޮށް މަގުތަކުގެ ރައްކާތެރިކަމާއި އަމާންކަމަށް ކުރަމުން އަންނަ މަސައްކަތެވެ އެވެ.
އެޗްޑީސީން ބުނީ ސްޕީޑް ބަމްޕް ހަރުކުރަނީ ހުޅުމާލޭގެ މަގުތަކުގައި ޓްރެފިކް ބާރު ބޮޑުވެ، އެކްސިޑެންޓްތައް ހިނގުން މަދުކުރުމަށާއި ހުޅުމާލޭގެ މަގުތަކަކީ ހިނގާބިނގާވެ އުޅޭ ފަރާތްތަކަށް ރައްކާތެރި ތަނަކަށް ހެދުމަށް ޓްރެފިކް ފްލޯއަށް ބަދަލު ގެނައުމަށް ކުރަމުން އަންނަ މަސައްކަތުގެ ދަށުން ކަމަށެވެ.
މިހާރު ކުރިއަށްދާ ސްޕީޑް ބަމްޕްތައް ގާއިމް ކުރުމުގެ މަސައްކަތް އެއްކޮށް ނިމުމުން ހުޅުމާލޭގެ މަގުތަކުގައި ބާރު ސްޕީޑްގައި ވެހިކަލްތައް ދުއްވުން މަދުވެ، ވެހިކަލްތަކާއި ހިނގާ މީހުންނަށްވެސް ހުޅުމާލޭގެ މަގުތަކަކީ އަމާޏް އަދި ރައްކާތެރި ތަނަކަށް ވެގެންދާނެ އެވެ.
