ތ. އަތޮޅުގައި ރާއްޖެ ޓްރާންސްޕޯޓް ލިންކް (އާރްޓީއެލް)ގެ ޚިދުމަތް ފެށުމަށް ބޭނުންވާ ސްޕީޑް ފެރީތައް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އިން އެ އަތޮޅަށް ފޮނުވައިފި އެވެ.
ރާއްޖޭގެ ރަށްތަށް ދަތުރުފަތުރުގެ ނިޒާމަކުން ގުޅާލުމަށް 2022ވަނަ އަހަރުވަނީ އެމްޓީސީސީއާއި ހަވާލުކޮށްގެން މަޝްރޫޢެއް ފައްޓަވާ ފައެވެ. މިމަޝްރޫޢުގެ ދަށުން ރާއްޖެ 6 ޒޯނަކަށް ބަހާލައިގެން ޚިދުމަތް އަންނަނީ ފޯރުކޮށްދެމުންނެވެ. މިހާތަނަށް 11 އަތޮޅެއްގައިވަނީ ޚިދުމަތް ފަށާފަ އެވެ. ތ.އަތޮޅުގައި އާރްޓީއެލްގެ ޚިދުމަތް ފެށުމަށްޓަކައި މިހާރު އެމްޓީސީސީން އެއަތޮޅަށްވަނީ ފެރީ ފޮނުވާ ފައެވެ.
އެމްޓީސީސީން ކޮންމެ އަތޮޅެއްގައިވެސް ޚިދުމަތް ފެށުމުގެ ކުރިން ދަތުރުކުރާ ރޫޓުތަކަށް އާންމުން ހޭލުންތެރިކުރުވުމަށް ޚާއްސަ ޕްރޮގްރާމެއް ކުރިއަށްގެންދެ އެވެ.
އާރްޓީއެލް ފެރީގެ ޚިދުމަތަކީ އަތޮޅުތަކުގެ ރައްޔިތުން ދަތުރުފަތުރުކުރުމަށް ވަރަށް ބޮޑަށް ބަރޯސާވެފައިވާ ޚިދުމަތެއް ކަމަށްވެސް ފާހަގަކުރެވެ އެވެ.
