ރާއްޖޭގެ މީހުން ދިރިއުޅޭ ހުރިހާ ރަށަކަށް އޭޓީއެމްގެ ޚިދުމަތް ފުޅާކުރުމުގެ އަމާޒުގައި ކުރަމުންދާ މަސައްކަތް ފަދަ ކަންކަމަކީ "އާދައިގެ ކަމެއް" ކަމަށް ބައެއް ސިޔާސީ ފަރާތްތަކަށް ހީވި ނަމަވެސް، އަދިވެސް އިތުރު އޭޓީއެމް އަޅާނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ސައީދު މިފަދައިން ވިދާޅުވިއިރު، ވ. އަތޮޅުގެ ހުރިހާ ރަށަކަށް އޭޓީއެމްގެ ޚިދުމަތް ފުޅާކޮށް، މީހުން ދިރިއުޅޭ ހުރިހާ ރަށެއްގައި އައިޑީކާޑު ޕްރިންޓުކުރުމުގެ ޚިދުމަތް ވަނީ ފުޅާކޮށްފަ އެވެ.
މިފަދަ ޚިދުމަތްތައް ފެށުން ފާހަގަކުރަމުންދާތީ އިދިކޮޅު ބައެއް ފަރާތްތަކުން ސަރުކާރަށް މަލާމާތްކޮށް ފާޑުކިޔަމުންދާ މި ދަނޑިވަޅުގައި ސައީދު ވިދާޅުވީ "އޭޓީއެމްގެ ޚިދުމަތް ރަށުން ލިބުން، ކޮންމެ އަތޮޅަކުން އައިޑީކާޑު ޕްރިންޓްކުރެވުން އެއީ އާދައިގެ ކަންކަމަށް ބައެއް ސިޔާސީ ފަރާތްތަކަށް ހީވުމަކީ" ސަރުކާރުން އެކަންކަން ހުއްޓާލާނެ ސަބަބެއް ނޫން ސައީދު ވިދާޅުވި އެވެ.
ސައީދު ވަނީ ވޭޕްމަނާކޮށް ދުންފަތުގެ ބާވަތްތަކުންނަގާ ޑިއުޓީ ބޮޑުކުރުމަށް މި ސަރުކާރުން ނިންމި ނިންމުން ވެސް އިދިކޮޅަށް ގޯސްވެ، ވެރިކަން ލިބިއްޖެނަމަ އެ ގާނޫނުތައް އުވާލާނެ ކަމަށް އެމްޑީޕީގެ ފަރާތްތަކުން ދައްކަމުންދާ ވާހަކަތަކަށް ވެސް ރައްދުދެއްވާފަ އެވެ. އޭނާ ވިދާޅުވީ ވެރިކަން ކުރިން ލިބުމުން ވެސް އިޚްތިޔާރުކުރީ ފަސޭހަ ގޮތް ކަމަށާއި އެ ސަރުކާރުގައި އެއްވެސް ކަމެއް ހާސިލުނުވާ ކަމަށެވެ.
އެޖެންޑާ19 ތަފާތުވާނޭ ކިޔާފަ 2ފެކްޝަންގެ ޒުވާބަކަށްނޫންތޯ ދިޔައީ! ކުޑަމިނުން، ހުޅުވުނު ގޭދަށު މަސްފެކްޓްރީއެއް ނެތްތާ، ބްރިޖެއްގެ ތަނބުވެސް ޖަހާނުލެވުނު" ސައީދު ވިދާޅުވި އެވެ.
ޕޯސްޓު ނިންމަވާލެއްވީ "އަދިވެސް އޭޓީއެމް ހުޅުވާނެ" ކަމަށާއި މަސައްކަތްތައް " ބާރަށްކުރިޔަށް" ދާނެ ކަމަށެވެ.