މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ 39 ވަނަ އަހަރީ ދުވަސް ފާހަގަކޮށްފި އެވެ.
އެމްޕީއެލްގެ އަހަރީ ދުވަސް ފާހަގަކުރުމުގެ ގޮތުން މިއަދު ވަނީ ގިނަ ހަރަކާތްތަކެއް ބާއްވާފަ އެވެ.
އެ ކުންފުނީގެ ހެޑް އޮފީހުގައި ކޭކް ފެޅުމުގެ ހަފްލާއެއް ބޭއްވިއިރު އެ ހަފްލާގައި އެމްޕީއެލްގެ ސީއީއޯ ޑީސީޕީ (ރިޓަޔަާޑް) މުހައްމަދު ރިޝްވާނާއި މެނޭޖްމަންޓްގެ ބޭފުޅުން އަދި މުވައްޒަފުން ބައިވެރިވެފައިވެ އެވެ.
ކޭކު ފެޅުމުގެ ހަފްލާއަށްފަހު އެމްޕީއެލް އިން ވަނީ މާލޭ ވިޔަފާރި، ބަނދަރު ސަރަހައްދުގައި މަސައްކަތްކުރާ ފަރާތްތަކަށް ހެނދުނުގެ ނާސްތާއެއް ބާއްވާފަ އެވެ. މި ހަރަކާތުގައި ޕޯޓުގެ މަސައްކަތްތެރިންނާއި، ލޯރީ ޑްރައިވަރުން، އަދި ކްލިއަރިން، ގުރޫޕްގެ ވެރިން ވަނީ ބައިވެރިވެފަ އެވެ.
އެމްޕީއެލް އިން މާލެ ވިޔަފާރި ބަނދަރުގެ ޚިދުމަތްތައް ރަސްމީކޮށް ފެށީ 15 ސެޕްޓްބަރ 1986ގަ އެވެ. މޯލްޑިވްސް ޕޯޓްސް އޮތޯރިޓީގެ ގޮތުގައި ފެށުނު އެ ކުންފުނީގެ ނަން އެމްޕީއެލްގެ ނަމުގައި ޚިދުމަތް ދޭން ފެށީ 2008 ވަނަ އަހަރުން ފެށިގެން ނެވެ.
