ރަޝިއާގެ ކަމްޗަޓްކާއަށް 7.2 މެގްނިޓިއުޑްގެ ބިންހެލުމެއް އައިސްފި އެވެ. މޫސުމާ ބެހޭ ގައުމީ އިދާރާޢިން ވަނީ ރާއްޖެއަށް މިކަމުން އެއްވެސް ނުރައްކަލެއް ނެތް ކަމަށް ބުނެފަ އެވެ.
މެޓް އޮފީހުން މިއަދު 'އެކްސް' ގައި ހިއްސާކުރި ޕޯސްޓުގައި ވަނީ އެ ބިންހެލުން އައީ ރާއްޖެއާއި 9421 ކިލޯ މީޓަރު ދުރުގައި އޮންނަ ކަމްޗަޓްކާގެ އިރު އުތުރު އައްސޭރިއަށް ކަމަށެވެ. އެ އިދާރާއިން ބުނީ ބިން ހެލުމުގެ ސީދާ ނުރައްކާ ރާއްޖެއަށް ނެތް ކަމަށެވެ.
ބޭރުގެ މީޑިއާތަކުން ރިޕޯޓުކުރި ގޮތުގައި ބިންހެލުމާއެކު އެ ސަރަހައްދަށް ސުނާމީގެ އިންޒާރު ނެރުނެވެ. އެހެންނަމަވެސް މިހާރު އެ ނުރައްކާ ނެތް ކަމަށް ވަނީ ބުނެފަ އެވެ.
މިދިޔަ ޖުލައި މަހު ވެސް ކަމްޗަޓްކާ ޕެނިންސިއުލާ އަށް ބާރުގަދަ ބިންހެލުމެއް އައެވެ. އޭގެ ސަބަބުން ސުނާމީއެއް އުފެދި ހަވާއީން ޖަޕާނަށް މީހުން ބަދަލުވެސް ވި އެވެ.
