ރާއްޖޭގެ މީހުން ދިރިއުޅޭ ހުރިހާ ރަށެއްގައި ވެސް މިރޭ ކޭތަ ނަމާދު ކުރާނެ ކަމަށް އިސްލާމިކް މިިނިސްޓްރީން އިއުލާންކޮށްފި އެވެ.
އިސްލާމިކް މިނިސްޓްރީ އިން މިއަދު ކުރި ޕޯސްޓެއްގައި ބުނީ ރަށްރަށުގައި ކޭތަ ނަމާދުކުރުމަށް ހަމަޖެހިފައި ވަނީ އެ ރަށެއްގައި ހުރި އެންމެ ބޮޑު މިސްކިތުގައި ކަމަށެވެ. އަދި އެ ނަމާދުކުރުމަށް ހަމަޖެހިފައި ވަނީ މިރޭ 11:12 ގަ އެވެ.
7 ސެޕްޓެމްބަރު ވާ އާދިއްތަ ދުވަހުގެ ރޭ 8:28 އިން 1:55 އަށް ހަނދުކޭތައެއް ހިފާނެ ކަން ވެސް އެ މިނިސްޓްރީން ވަނީ އިއުލާންކޮށްފަ އެވެ.
މިރޭ ހިފާ ފުރިހަމަ ހަނދުކޭތަ އޭޝިއާ, އެފްރިކާ އަދި ޔޫރަޕްގެ ހުރިހާ ސަރަހައްކަށް ވެސް ފެންނާނެ އެވެ. ކޭތަ ހިފަން ފަށާނީ ދިވެހިރާއްޖެ ގަޑިން މިރޭ 8:28 ގަ އެވެ. އަދި ދިވެހިރާއްޖެ އަށް އެންމެ ފުރިހަމަކޮށް މި ހަނދުކޭތަ ފެންނާނީ މިރޭ 11:11 ގަ އެވެ.
